Iyadoo garabyada hubeysan ee isku haya maamulka gobolka Tigray ee xukumadda Addis ababa iyo jabhadda hubeysan ee TPLF ay dhowaan heshiis labo gesood ah oo ku gaareen waddanka Koonfur Africa. Ayaa lasoo sheegayaa in duqaymo culus lagu garaacay magaalo ka tirsan gobolkaasi.
Telefishanka jabhadda hubeysan ee TPLF ayaa baahiyay xogta duqaymo dhowr ah oo ay gaysteen diyaaradaha dagaalka ee dowladda Elatariya kuwaas oo laga soo calaamadiyay magaalada Irob oo ka mid ah magaaalooyinka gobolka Tigray.
Warbaahinta TPLF ayaa sheegtay in diyaaradaha dagaalka Elateriya ay beegsadeen goobo ay dadku ku badanyihiin oo ay deganaayeen dad shacab ah sida xarumaha waxbarasho iyo cisbitaallada caamka ah iyo xarumo kale oo ay sheegeen inay ka madax bannaan yihiin talisyada ciidan.
Kooxdan ma aysan sheegin haddii uu jiro khasaare ka dhashay duqaymahan xagga cirka ah ee ka dhacay gobolka Tigray, balse ku gaabsatay in dowladda Eletariya si ula kac ah ay u beegsatay goobaha dadka rayidka isla markaana jabisay heshiiskii ay gaareen iyaga iyo dowladda federaalka Itoobiya.
Dhowaan ayay ahayd markii war kasoo baxay taliska jabhaddan mucaaradka ah ee ka jirta waqooyiga dalka Itoobiya, ay dowladda dhexe ugu baaqday inay ciidamada Elatariya ka saarto gobolka ay isku dhacyadu ka socdaan ee Tigray, wallow aysan arrintaasi kasoo jawaabin xukuumadda Addis ababa.
TPLF ayaa horay uga digtay xadgudubyada ay ku kacayaan ciidamada millatariga dowladda Eletariya ee ku sugan gobolka Tigray , Tan ayaana kusoo beegmayso xilli la filan karo isku dhacyo hor leh oo dhexmara millatariga Itoobiya iyo jabhadda la magac baxday xoraynta dadka Tigray-ga.
About The Author
