Xaalad hubanti la’aan ah ayaa ka taagan galbeedka gobolka Oromiya ee waddanka Itoobiya, halkaas oo ay dagaallo culus ku dhexmarayaan maleeshiyaadka Oromada ee loo yaqaan OLA iyo ciidamada millatariga dowladda xabashida.
Urur gaaleedka loogu yeero qaramada midoobay ayaa sheegay in xaaladda amni ee ka jirta gobolka gaar ahaan galbeedka ay faraha kasii baxday, ka gadaal markii iska hor’imaadyada socda ay ku barakaceen Kumannaan qof oo Oromiyaan ah.
Waxay intaa ku dareen in ay adag tahay in gurmad la gaarsiiyo dadka ku barakacay colaadda u dhaxayso maleeshiyaadka jabhadda hubeysan ee Oromia iyo ciidamada millatariga xabashid.
Isku dhacyadan ayaa ka dambeeyay ka dib markii ciidamada OLA ay la wareegeen magaalooyin ku xeeran caasimadda Itoobiya ee Addis ababa, taas oo keentay in maamulka Abiy oo dagaalka usoo raro galbeedka gobolkan dhaca bartamaha dalka Itoobiya.
Xukuumadda Adis ababa wax tallaabo ah kama qaadin maleeshiyaadka Axmaarada ee dhowaan xasuuqa ba’an ka gaystay gobolka Oromiya, halka ay ciidamo badan usoo daabushay ka hor tagga maleeshiyaadka la magac baxay xoraynta shacabka Oromada.
Dhanka kale dowladda xabashida Itoobiya ayaa markii ugu horraysay ka hadashay xaaladda magaalada Maqalle ee caasimadda Tigray, xilli maleeshiyaadka TPLF ay ka digayeen xasuuqa ka dhanka ah dadka Tigrayga ee ay wadaan ciidamada Itoobiya iyo kuwa Elatariya.
Wasaxaafadeed kasoo baxay xukuumadda uu fadhigeedu yhaya Addis ababa ayaa lagu xusay inay jiraan kooxo abaabulan oo carqaladaynaya heshiiskii dhowaan dhex maray dowladda dhexe iyo jabhadda hubeysan ee TPLF, iyadoo ku gaabsatay inay tallaabo ka qaadi doonaan.
About The Author
