Magaalada Laascaanood ee xarunta gobolka Sool ee waqooyiga Soomaaliya waxaa tan iyo 27-ka bishan December ka socday kacdoon ballaaran oo ay wadaan dadka deegaanka, kaa soo looga soo horjeedo dhibaatooyin maamulka ashahaada la dirirka ah ee Somaliland ka wado halkaasi.
Kacdoonkan ayaa yimid markii maamulka Somaliland lagu eedeeyay dilka siyaasi ka tirsanaa mucaaradka oo lagu dilay magaalada LaasCaanood, kaas oo ka mid ah siyaasiyiinta ugu caansan ee kasoo jeeda gobolka Sool.
Shalay oo ahayd maalinkii 4aad ee ay dibadbaxyadu ka socdeen magaalada Laas-caanood, ayaa waxaa isugu soo baxay dadweyne fara badan, iyadoona ciidanku ay rasaas la dhaceen dadkii dibadbaxayey.
Ugu yaraan illaa saddex qof ayaa shalay oo kaliya lagu dilay dibaxyada ka socda xarun goboleedka Sool, sida ay soo sheegeen ilo wareedyo ku sugan magaalada, waxaana dadkii shalay la dilay ka mid ah ahaa sheikh lagu magacaabi Bide Faarax Caalin oo ka mid ahaa culimada deegaanka.
Tirada guud ee dadka la dilay ayaa taasi ka dhigeysa ilaa shan ruux tan iyo markii ay dibadbaxyadu bilowdeen, waxaana dhaawacamay ugu yaraan 20 kale.
Wadaadka ay shaley dileen ciidanka Somaliland ee Sheikh Bide oo sidoo kale ka mid ahaa odayaasha deegaanka ayay ilo wareedyadu soo sheegeen in lagu dilay bannaanka masaajidka, ka dib isku dhacyo halkaasi ku dhexmaray maleeshiyaadka maamulka ashahaada la dirirka ah iyo dadka shacabka ee isku soo baxyada waday.
Culimada Laas-caanood ayaa soo sheegay in khudbaddii jumcaha ee shalay looga hadlay gaboodfallada maamulkan ee ka dhanka ah dadka rayidka, taas oo keentay in maleeshiyaadka maamulkan ashahaada la dirirka ah ay beegsadeen culimada iyo dadka hoggaaminaya dibadbaxyada.
Dhanka kale abaabul xooggan oo ka dhan ah maamulka Somaliland ayaa ka socda gobollada Sool Sanaag iyo Togdheer, maleeshiyaad hubeysan ayaana kasoo kala baxay magaalada Buuhoodle ee gobolka Togdheer iyo Xingalool oo ka tirsan gobolka Sanaag.
Maleeshiyaadka kasoo baxay magaalada Buuhoodle ayaa sheegay inay kasoo hor jeedaan dilalka lagu eedeeyay maamulka ashahaada la dirirka ee fadhigiisu yahay magaalada Hargaysa, waxayna sheegeen inay la dagaalamayaan ciidanka maamulka Somaliland ee beegsanaya dadweynaha ku mudaaharaadaya Laascaanood.
Dhanka kale warar soo baxaya ayaa sheegaya in gaadiid dagaal iyo maleeshiyaad fara badan oo ka tirsan maamulka Riddada ee Somaliland ee ku sugnaa deegaanka Tukaraq ee gobolka Sool ay u ruqaansadeen dhanka magaalada Laascaanood, si ay u xoojiyaan maleeshiyaadka gummaadka ku haya dadka isku soo baxyada ka wada magaaladaasi.
Maanta oo mudaaharaadku uu galay maalintii 5aad, waxaa weli xiran ganacsiga magaalada, waxaana suuragal ah in markale ay isku dhacyadu dib u qarxaan inkastoo ay xaaladu imika u muuqato mid degan
About The Author
