Tan iyo wixii ka dambeeyay 26-kii December ee sannadkii tagay ee 2022-ka waxaa sare usii kacay kacdoonka ka dhanka ah maamulka ashahaada la dirirka ah ee isku magacaabay Somaliland ee ka socda magaalada Laas-caanood, kaas oo salka ku hayay dil ka dhacay magaaladaas oo lagu eedeeyay maamulka uu fadhigiisu yahay magaalada Hargaysa.
Maleeshiyaadka maamulka Somaliland ayaa dadka rayidka ah ee kacdoonka wada u adeegsanaya rassaas nool nool, taas oo keentay khasaare baaxad leh oo soo gaaray kacdoon wadeyaasha.
Wakaaladda wararka ee Reuters oo soo xiganaysay ilo wareed dhanka caafimaadka ah ayaa xaqiijisay in dadka ku dhintay isku soo baxyada ka socda Laas-caanood ee ay toogteen maleeshiyaaadka maamulka Riddada Somaliland, ay imika marayso 20 qof oo rayid ah, halka dhaawacyaduna tobannaan kale yihiin.
Maxamed Faarax oo ka mid ah dhakhaatiirta ka howlgala isbitaalka Laascanod ayaa wakaaladda wararka ee Reuters u xaqiijiyay in ugu yaraan 20 qof oo rayid ah ay ku dhinteen tiro instaas ka bandanna ay dhaawacmeen, isagoo intaas ku daray inuu indhihiisa ku arkay maydadka dadka oo qaarkood cisbitaallada lasoo gaarsiiyay.
Reuters waxay sheegtay in tobannaan qof oo rayid ah ay ku dhaawacmeen dagaal dabayaaqada toddobaadkii hore magaalada ku dhexmaray ciidamo ka tirsan kuwa ammaanka maamulka ashahaada la dirirka ah iyo dibadbaxayaasha kacdoonka ka dhanka ah maamulkan ka wada magaalada Laas-caanood.
Dhinaca kale wararka la helayo ayaa sheegaya in xalay magaalada Laas-caanood ay ka dhaceen dagaallo culus oo u dhaxeeyay maleeshiyaad taabacsan dibadbaxayaasha iyo kuwa maamulka Somaliland.
Dagaalka ayaa sida lasoo wariyay yimid ka gadaal markii maleeshiyo taabacsan dibadbaxayaasha ay weerar ku qaadeen maleeshiyaadka maamulka Ashahaada la dirirka ah ee Somaliland oo ku sugnaa xaafadda Durdurka ee magaalada Laas-caanood.
Inksatoo saaka ay xaaladdu yara degan tahay haddana waxaa la filan karaa isku dhacyo dhexmara maleeshiyaadka hubeysan ee Somaliland iyo dadka rayidka ah ee kacdoonka kaga soo horjeeda maamulka uu fadhigiisu yahay magaalada Hargaysa.
About The Author
