Mujaahidiinta ka howlgala wilaayada Banaadir waxay saaka weerar qarax ah ku burburiyeen xarun lagu iibiyo laguna keydinayay daroogada nuucyadeeda kala duwan, xarunta daroogada ee ay Mujaahidiintu qaraxa k weerareen waxaa lahaa waxa loogu yeero Millatariga kooxda Riddada waxayna xaruntaasi ku tiillay isgoyska Ex-contarool Afgooye ee magaalada Muqdisho.
Ilo wareedyo lagu kalsoon yahay ayaa xaqiijiyay in gabi ahaan uu qaraxaasi si dhamaystiran u burburiyay xarunta iyo daroogadii lagu kaydinayay, waxaana qaraxaasi sidoo kale ku dhaawacmay murtad lagu magacaabo Xasan Kaafi oo ka tirsan maleeshiyaadka millatariga Riddada kaasi oo ahaa ninkii goobtaas daroogada ku iibinayay.
Dhanka kale waxay Mujaahidiintu xalay qarax culus ku weerareen guri kuyaal Xaafada Buula-jameeco ee magaalada Baydhaba, xaruntan ayaana lagu iibin jiray Khamriga iyo daroogada, waxaana gurigaasi lahaa Sarkaal murtad ah oo ka tirsan maamulka Riddada ah ee isku magacaabay Koonfur galbeed.
Inta la xaqiijiyay waxaa qaraxaasi ku dhaawacmay 2 askari oo murtadiin ah oo ilaalo ka hayey guriga, iyadoo dhanka kale uu burbur xooggan soo gaaray xarunta Khamriga lagu iibinayay, waxayna howlgalladan ka kala dhacay Xamar iyo Baydhaba qayb ka yihiin howlgallada ka dhanka ah kooxaha ka ganacsada daroogada.
About The Author
