Ciidamada Shabaabul Mujaahidiin ee ka howlgala magaalada Muqdisho ee caasimadda Soomaaliya waxay saacadihii lasoo dhaafay 3 howlgal ka fuliyeen xaafado ka tirsan degmada Yaaqshiid ee magaalada Muqdisho.
Howlgalka ugu horreeya oo ay ciidamada Mujaahidiintu ka fuliyeen xaafadda Cali Turcaaya oo ka tirsan degmada Yaaqshiid waxay ku beegsadeen goob xarun u ahayd tuugada iyo ciyaal weerada, oo sida lasoo wariyay calaqa iyo noocyada kale ee daroogada ku isticmaali jiray kana soo abaabuli jiren dullaamadooda ka dhanka ah dhibaataynta dadka shacabka ah.
Inta la xaqiijiyay waxay ciidamada Mujaahidiintu howlgalkaasi gaarka ah ku dileen 4 qof oo isugu jiray ciyaal weero iyo tuugada hubeysan ee dadka ku dhacda caasimadda.
Howlgalka midkan xigay waxay Mujaahidiintu ka fuliyeen xaafadda Godeey ee degmada Yaaqshiid waxayna ciidanka Mujaahidiintu ku beegsadeen goob xarun u ahayd ciyaal weerada iyo Tuugada, inta la xaqiijiyayna waxay ciidamada Mujaahidiintu howlgalkaasi ku dileen 3 nin oo uu ku jiro nin tuug ah oo caan ka ahaa degmada Yaaqshiid, kaasi oo magaciisa lagu soo koobay (Xaseey).
Howlgalka kale waxay ciidanka Mujaahidiintu ka fuliyeen xaafadda Juungal ee Yaaqshiid waxaana uu howlgalkaassi si gaar ah u beegsaday guri lagu iibiyo daroogada noocyadeeda kala duwan laguna tunta, Gurigaan ay weerarka ku beegsadeen ciidamada Mujaahidiinta waxaa xilliga la weeraray ku sugnaa dad fara badan oo isugu jira cabtooy iyo haween jirkooda ka ganacsada, waxaana la xaqiijiyay inay jiraan khasaare kala duwan oo isugu jira dhimasho iyo dhaawac, inkastoo aan tiro rasmi ah la helin.
Geesta kale waxay Mujaahidiintu qaraxyo xooggan ku weerareen Hotel lagu magacaabo Boosh oo ku yaal agagaarka Soobe ee magaalada Muqdisho. hotelkan ayaana ah Hotel lagu tunto waxaana xilliga uu qaraxa dhacayay ku sugnaa dad badan oo usoo tumasho tagay.
Dhinaca kale waxay ciidamada Mujaahidiintu qarax ku weerareen fariisin ay maleeshiyaadka kooxda Riddada kaga sugnaayeen isbartiibada Muqdisho.
About The Author
