Inta la hubiyay ugu yaraan 13 qof ayaa ku dhimatay halka tobannaan kalena ay ku dhaawacmeen dhulgariir xooggan oo saacadihii lasoo dhaafay ku dhuftay waddamada Afghanistan iyo Pakistan, halkaas oo sida la sheegay laga soo calaamadiyay dhulgariir lagu qiyaasay 6.5.
Wakaalada wararka AFP ayaa sheegtay inay booqasho ku tagtay deegaanka uu dhulgariirku ku dhuftay iyadoo xustay in ilaa 50 guri ay ku dumeen dhulgariirka marka laga hadlayo khasaaraha maaliyeed ee deegaankaasi kasoo gaaray dhulgariirka, kuwaas oo badi kuyaal buuraha barafku ka da’ayo.
Pakistan oo kaliya waxaa la xaqiijiyay dhimashada 9 qof kuwaas oo ku dhintay dhulgariirka ku dhuftay Aghaanistaan iyo Pakistan sida ay sheegeen ilo wareedyo laga soo xigtay xukuumadda dabadhilifka ah ee Islaamabaad.
Warbaahinta maxalliga ah ayaa soo sheegtay in saamaynta dhulgariirkan laga dareemayo waddamo badan oo dhaca qaaradda Aasiya oo ay ka mid tahay Hindiya, New Delhi ayaana ka mid ah magaalooyinka laga dareemay dhulgariirka.
About The Author
