Warsaxaafadeed kooban oo kasoo baxay taliska ciidanka mujaahidiinta ayaa si horudhac ah looga hadlay duullaanka ay mujaahidiintu galabta kula carraabeen saldhigga maleeshiyaadka Riddada ay ka samaysteen deegaanka Budbud oo ah saddex xagalka isku xira gobollada Galgaduud Sh/dhexe iyo Hiiraan.
Qoraalka kasoo baxay taliska ciidanka mujaahidiinta ayaa lagu sheegay in ciidanka mujaahidiinta weerarkaas ay ku billaabeen camaliyad Istish-haadi ah ka dibna uu xigay dagaal dhowr jiho ah ka dib ay mujaahidiintu u suuragashay inay gacanta ku dhigaan saldhigga cusub ee ay murtadiintu ka samaysteen Budbud. wixii hub gaadiid iyo agabyo kale ee dhex yiillayna si buuxda gacanta ugu dhigeen.
Warka taliska ciidanka mujaahidiinta oo uu ku saxiixan yahay afhayeenka ciidamada mujaahidiinta Sh Cabdicasiis Abuu Muscab ayaa lagu sheegay in uu talisku dib kasoo gudbin doono faahfaahinta howlgalka ka socda Budbud.
“Ciidamada Mujaahidiintu waxay maanta oo Arbaco ah, 28 Ramadan 1444H, salaadii Casir kadib weerar ku qaadeen saldhig ay murtadiintu dhawaan ka samaysteen deegaanka Budbud ee hoostaga degmada Galcad wilaayada Galgaduud. Weerarka oo ku billawday camaliyad ishtish-haadi ah waxaa xigay dagaal ay Mujaahidiintu dhinacyo kala duwan uga qaadeen cadawga. Allaah fadligiis ciidamada Mujaahidiinta waxaa u suurtagashay inay si buuxda gacanta ugu dhigaan saldhigii murtadiinta ee deegaanka Budbud. Waxaa jira khasaare dhimasho iyo dhaawac badan oo soo gaaray cadawga murtadiinta ah, waxaa sidoo kale jira gaadiid badan, hub iyo saanad ciidan oo cadawga laga qaniimaystay, qaar kalena laga gubay. Faahfaahin intaas ka badan dib ayaan kasoo gudbin doonaa insha-Allaah”. Sheekh Cabdicasiis Abu Muscab, Afhayeenka ciidamada Xarakada Mujaahidiinta Al-Shabaab.
La Soco Wixii Soo Kordha Insha’allaah.
About The Author
