Ugu yaraan 2 xubnood oo Yahuud ah ayaa lagu toogtay mee u dhow magaalada Naabulis ee ka mid ah deegaannada ku hoos jira gumeysiga Yahuudda ee dhaca Daanta galbeed.
labadan xubnood ee Yahuudda ayaa lagu dilay weerar maanta oo sabti ah ka dhacay deegaanka Xawaarah oo u dhow magaalada Naabulis ee dhacda woqooyiga Daanta Galbeed, sida ay xaqiijiyeen ilo wareedyo laga soo xigtay Yahuudda.
Weerarkan Toogasho ayaa si gaar ah kaga dhacay goob labaajo ah oo gaadiidka lagu dhaqo, taasi oo saaran waddada wayn ee dhex marta deegaanka Xawaarah, toogashada ka dib waxay maleeshiyaadka maamulka Yahuuddu bilaabeen howlgal ballaaran oo lagu baadi goobayo fuliyihii weerarkan.
Saraakiisha ciidanka Yahuudda ayaa weerarka ka dib goobta gaaray, waxayna maleeshiyaadkooda ammar ku siiyeen inay dhagxaan ku jaraan waddooyinka, cabsi laga qabo in lagu beegsado weeraro hor leh, muuqaallada ka imaanayay goobta ayaana muujinayay argagaxa ku dhacay quluubta saraakiisha ciidanka iyo dadka Yahuudda ah.
Hoos Ka Daawo Sawirrada.
About The Author
