Toddobaadkii 3-aad oo xiriir ah waxaa magaalada go’doonsan ee Gaza ka socda duqaymaha bahalnimo ee Yahuuddu ku beegsanayso dadka rayidka ah, tirada dadka shuhadada ah ee ku baxay duqaymaha ayaa kor u dhaafay 4,741 oo qof, halka tirada dhaawacyadana ay ka badan yihiin 14,245 oo qof.
Tirakoobkan waxaa shaacisay wazaaradda caafimaadka Falastiin, waxayna xustay in xog uruurintan la sameeyay maalintii 16-aad, maanta oo uu howlgalku galayna maalintiisii 17-aad lasoo sheegayo duqaymaha Yahuudda oo weli beegsanaya goobaha rayidka ee Marinka Gaza.
Warbaahinta ka howlgasha Gaza ayaa dhankeeda soo sheegtay in diyaaradaha dagaalka maamulka gumeystaha ay duqeeyeen goobo ku dhow saddex cisbitaal subaxnimadii hore ee Isniinta maanta ah, waxaana goobaha la duqeeyay ka mid ah meel u dhow xarunta caafimaad ee Al-Shifa oo kutaal bartamaha Gaza, goobo kale oo u dhow cisbitaalka Al-Qudus oo dhaca galbeedka Gaza, iyo meel kale oo u dhow cisbitaalka Indonesia ee dhaca waqooyiga Gaza, duqaymahan bahalnimo ayaa sidoo kale beegsaday meel u dhow cisbitaalka Kuwait ee aagga Rafax
About The Author
