Wararka ka imaanaya gobolka Nugaal, ayaa sheegaya in shil xooggan oo gaystay khasaare isugu jira dhimasho iyo dhaawac ay galeen mid ka mid ah qoysaskii ka barakacay xiisadda colaadeed ee ka taagan degmada Garoowe ee xarunta maamul goboleedka ashahaada la dirirka ah ee Puntland.
Shilkan gaari ayaa si gaar ah uga dhacay duleedka deegaanka Xaaji Khayr ee hoostaga Dangorayo ee gobolka Nugaal, waxaana la wariyay inay ku dhinteen ugu yaraan laba qof, halka sidoo kalena ay ku dhaawacmeen lix kale, kuwaas oo ka mid ahaa dadkii ka barakacay Garoowe.
Ilo wareedyo deegaanka ah ayaa xaqiijiyay in gaadiidka shilka ku galay duleedka Xaaji Khayr ay kala ahaayeen Noho iyo gaari nooca 8-boolaha loo yaqaan ee xamuulka qaada, gaariga Nohada ah ayaana la xaqiijiyay inay saarnaayeen dadkii kasoo barakacay xiisadda ka taagan Garoowe ee galay shilkan xooggan.
Mid ka mid ah dadkii goobjoogga u ahaa dhacdadan shilka ah ayaa sheegay in gaadiidka isku dhacay midka Nohada uu ka yimid dhanka Garoowe, halka midka Siddeed Boolahana uu ka yimid dhanka magaalada Boosaaso ee xarunta gobolka Bari.
Halkan Ka Dhagayso Codka Goob-joogaha.
About The Author
