Kooxaha muqaawamada Falastiiniyiinta ayaa soo bandhigay qodobbada heshiiska maxaabiis iswaydaarsiga ee dhex maray kooxaha wax iska caabinta Falastiiniyiinta iyo maamulka gumeystaha Yahuudda, iyo wakhtiga rasmiga ah ee uu billaabanayo fulinta maxaabiis is dhaafsiga.
Wax iska caabinta Falastiin waxay sheegeen in heshiiska xabad joojinta uu billaabanayo maalinta barre ee jumcaha, saacaddu marka ay tahay 7-da subaxnimo, waxayna shaaciyeen in xabad joojintaasi ay socon doonto mudo 4 maalin ah.
Heshiiska xabad joojinta waxay sheegeen in lagu joojiyay dhaqdhaqaaqyada ciidan ee Yahuuddu ka wadaan marinka Gaza, diyaaradaha Yahuudda ee duulimaadyada ka samayn jiray koonfurta Gaza ayaa sidoo kale la shaaciyay inay si rasmi ah u joogsadeen,
Muqaawamadu waxay sidoo kale shaaciyeen in saddex maxaabiis Falastiiniyiin ah oo ay ku jiraan haween iyo caruur loo sii dayn doono halkii qof ee Yahuud ah, waxaana tirada guud ee Yahuudda la sii dayn doono lagu sheegay konton qof oo Sahyuuni ah, kuwaas oo da’doodu ka yartahay 19 sano jir.
Inta uu heshiiska xabad joojinta ah socda waxaa guud ahaan deegaannada marinka Gaza maalin walba toos u iman doono 200 oo gaadiid ah, kuwaas oo sida gargaarka raashiinka ah iyo midka dawada ah, sidoo kale waxaa maalin walba deegaannada marinka iman doono 4 gaadiid ah oo sida shidaal iyo gaaska wax lagu karsado, waana heshiis ay dhan walba ku jaban tahay Yahuudda.
About The Author
