Waxaa daboolka laga qaaday muuqaallada iyo tirakoobka khasaaraha ka dhashay duqaymaha wuxuushnimo ee maamulka gumeystaha Yahuudda ka gaysteen marinka Gaza, tan iyo markii uu billowday howlgalka Duufaanta Al-aqsaa.
Tirakoobkan waxaa lagu sheegay in ciidanka gumeystaha Yahuudda ay gaysteen 1,400 oo xasuuq, waxaana inta la hubiyay majaazirtaasi ku shahiiday 14,850 qof oo falastiiniyiin ah, kuwaas oo 6150 ka mid ah ay ahaayeen caruur iyo haween.
Waxay tani ka dhigan tahay in 69% shuhadada Gaza ay yihiin carruur iyo haween, tirakoobka dadka nolol iyo geeri lagu la’yahay ayaa lagu sheegay inka badan 7,000 oo Falastiiniyiin ah, kuwaas oo inka badan 4,700 ay yihiin haween iyo caruur, inka badan 36,000 kun oo Falastiiniyiin ah ayaa ku dhaawacmay duqaymaha ka dhanka dadka rayidka ee ay gaysteen Yahuudda, kuwaas oo 75% ay yihiin caruur iyo haween.
Yahuuddu waxay sidoo kale duqaymo waxshinimo ah ku beegsadeen 26 cisbitaal, kuwaas oo la sheegay inay shaqada ka baxeen, maraakizta caafimaad ee la beegsaday ayaa iyagana lagu sheegay in ay gaareen 55 oo xarumood, qaar ka mid ah cisbitaalladaas iyo xarumahaas ayayna go’doomiyeen qaarkoodna ay weerar toos ah ku galeen.
Yahuuddu ayaa sidoo kale 60% beegsatay dhismeyaasha dadka rayidka ah ee magaalada Gaza, kuwaas oo qaarkood si dhamaystiran u burburay, halka qaarna ay qaybtood burbureen., dhismeyaasha burburay waxaa ka mid ah 266 madaraso oo ay duqaymo la dhaceen Yahuudda.
About The Author
