Inta la xaqiijiyay, ugu yaraan 20 qof ayaa ku dhintay, halka 32 kalana way ku dhaawacmeen, kaddib shil gaari oo ka dhacay koonfurta dalka Itoobiya, sida ay soo wariyeen ilo wareedyo maxalli ah.
Shilkan ayaa si gaar ah kaga dhacay deegaanka Boorana oo ka tirsan degmada Telteele ee gobolka Oromia, sida ay xaqiijisay warbaahinta gudaha ee waddankaasi oo soo xiganaysay dad goobjoogeyaal ah.
Ilo wareedyo dhanka caafimaadka ah ayaa sheegay in 18 ka mid ah dadka dhaawacyada qaba ay xaaladdoodu tahay mid halis ah, halka 14-ka kalana ay soo gaareen dhaawcyo fudud, sida ay sheegtay Majaladda maxaliga ah ee Addis Standard.
Shilkaan gaari ayaa ymid, ka gadaal markii gaari nooca Bus-ka dadweynaha qaada, oo ka soo ambabaxay magaalada Milano kuna sii jeeday suuq ku yaala tuulada Wayu, uu waddada ka baxay, sidaasina uu ku jiiray dadyow fara badan, sida uu sheegay xafiiska isgaarsiinta deegaankaasi.
Shilalka kuwan la midka ah, ayaa ah kuwa ku badan gudaha waddanka Itoobiya, waxayna sanadii 2021 tarida dadlka ku dhintay shilalkan gaari ay gaareen, ilaa 4,161 qof, sida laga soo xigtay tirakoob ay samaysay shabakadda Ethiopian Monitor.
About The Author
