Kooxo Kenyaan ah ayaa weerar ku qaaday Hotel dalxiis oo kuyaal deegaanka Diani oo hoostaga ismaamulka Kwale ee dhaca xeebaha Kenya, halkaas oo kooxaha Kenyaanka ah ay ka gaysteen burbur hantiyeed iyo dhaawacyo.
Warbaahinta maxalliga ah ee Kenya ayaa soo tabisay dhacdadan, waxayna xustay in kooxaha Kenyaanka ah oo ku hubeysnaa dhagxaan iyo hubka gacanta ay mar qura u daateen Hotelka, oo ah meel ay isugu yimaadaan dadka dalxiiseyaasha ah ee Kenya usoo dalxiis taga.
Qaar ka mid ah waardiyeyaasha iyo shaqaalaha Hotelka ayaa lasoo wariyay inay ku dhaawacmeen weerarkan, booliska ayaa xaqiijiyay in saddex ka mid ah shaqaalaha Hotelka ay dhaawacmeen, wallow wararka qaar ay sheegayaan in dhaawacyada ka dhashay weerarka uu gaarayo 18 xubnood.
Weerarka ayaa salka ku haya lahaanshiyaha maqaaxida Hotelka, kooxaha weerarka qaaday ayay boolisku sheegeen in qaar ka mid ah gacanta ku dhigeen, weerarkaasi ayaa dhaliyay in amniga uu faraha ka baxo, dalxiiseyaashiina ay ku kala cararaan goobta.
Shan dalxiiseyaal ah oo kaliya ayuu maamulka deegaankaasi sheegay inay hayaan illaa hadda, halka kuwii kalena ay ka carareen magaalada, dalxiiseyaal kela ayaa ku dhawaaqay inay hakiyeen socdaalkooda, sida ay sheegtay warbaahinta Kenya.
About The Author
