Madaxwaynaha dowladda Guinea-Bissau ninka lagu magacaabo Umaru Sissoko ayaa shaaciyay inuu kala diray xildhibaannada baarlamaanka ee dowladdiisa, xilli caasimadda dalkaasi ay dhowaan marti gelisay weeraro xooggan.
Wareegto kasoo baxday xafiiska madaxweynaha dowladdaasi ayaa lagu sheegay in rasmi ahaan loo kala diray baarlamaanka, wareegtada Umaru ayaa sidoo kale lagu sheegay in uu go’aankan uu yimid, kadib markii toddobaadkii hore koox aad u hubeysan ay weerar ku qaadeen xarunta booliska magaalada caasimadda u ah dalkaasi.
Ujeedka ugu wayn ee weerarkaasi laga lahaa ayuu Umaru ku sheegay wiiqadda waxa uu ugu yeeray nidaamka dastuuriga ah, oo sida uu warka u dhigay dalkiisa u horseedi lahaa khasaare nafeed oo xooggan, sabtidii lasoo dhaafay ayuu Sisoko ku goodiyay inuu qaadi doono tallaabo adag, wixii dhacay ayuuna ku tilmaamay inuu ahaa afgmbi dhicisoobay, waa sida uu hadalka u dhigaye.
Iska horimaadka sababay in lakala diro baarlamaanka dalkaasi, ayaa khamiistii lasoo dhaafay magaalada Bissau ku dhex maray ciidamo ka tirsan kuwa loogu yeero ilaalada qaranka iyo ciidanka gaarka ah ee ku xiran ilaalada madaxtooyada, weerarkan ayaana socday ilaa jumcihii.
Kooxda ka tirsan ciidamada qaranka ayaa lasoo wariyay inay isku dayeen in ay xabsiga ka sii daayaan wasiir ku xirnaa dhismaha booliska, balse waxaa dagaallo la galay ciidanka ilaalada madaxtooyada, ciidamada booliska ayaana xabsiga u dhaadhiciyay taliyihii watay ciidanka ilaalada qaranka iyo dhowr saraakiil kale.
Waa markii labaad oo uu madaxweynaha waddanka Guinea-Bissau kala diro baarlamaanka, tan iyo markii uu xafiiska la wareegay sannadkii 2020-kii, Waxa uu kala diray baarlamaanka bishii May sababo ku aaddan khilaaf u dhexeeya xubnaha baarlamaanka iyo madaxtooyadiisa.
About The Author
