Hay’adda warbaahinta maamulka gumeystaha Yahuudda ayaa sheegtay in 100 askari oo ciidamo Yahuud ah ay ku indha beeleen dagaallada ka socda marinka Gaza, kuwaas oo u dhaxeeya kooxaha wax iska caabinta Falastiin iyo ciidanka gumeystaha.
Warbaahinta Yahuudda ayaa sheegtay in dhaawacyo halis ah ay ciidamadan 100-ka askari ka kooban kasoo gaareen dhanka indhaha, kuwaas oo 10 ama %15 si dhamaystiran u beelay mid ama labadooda indhood.
Arrimaha ugu badan ee sababay inay indhaha beelaan maleeshiyaadkan Yahuudda ah ayay hay’adda warbaahinta ku sheegtay qaraxyada, rassaasta, iyo firirka ka dhashay gantaallada, kaddib markii ay maleeshiyaadkaas noqdeen kuwa ka tagay isticmaalka muraayadaha loo adeegsado difaaca indhaha, waa sida ay hadalka u dhigtaye.
Maamulka gumeystuhu waxa uu dhanka kale sheegay in cisbitaalka Soroka ee kuyal magaalada Bi’ru Sabac oo kaliya la geeyay 40-askari, kuwaas oo dhaawacyo halis ah ay kasoo gaareen dhanka indhaha, saddexdii maalmood ee ugu dambeeyay ayuu sidoo kale sheegay in cisbitaal kale la geeyay shan askari oo Yahuud ah, kuwaas oo qaarkoodna lagu sameeyay qalliin adag.
About The Author
