Waxaa xilkii uu hayay iska casilay waziirka arrimaha debadda ee Zambia, kaddib markii la shaaciyay in laga duubay muuqaal qarsoodi ah oo muujinaya isagoo lacago ka qaadanayo nin ganacsade ah oo u dhashay waddanka Shiinaha.
Stanley Kakuba oo ah waziirkii arrimaha debadda ee dowladda Zambia oo ah ninka is casilay ayaa sheegay in uu ka mid yahay rag kasoo muuqanaya muuqaalka qarsoodiga ah ee laga faafiyay, basle taas badalkeeda waxa uu sheegay in uu wajahayo dacwado uu ku tilmaamay kuwa xaasidnimo ah oo ku aadan wax kala badalashada ganacisga, sidaas darteedna uu isku casilay.
Muuqaalkan qarsoodiga ah ee laga duubay waziirka is casilay ee ka tirsanaa xukuumadda Zambia ayaa muujinayay 2 nin oo miis ag-fadhiya, kuwaas oo tirinaya lacago badan, oo isugu jirta doollarka Maraykanka iyo lacagta maxalliga ah ee laga isticmaalo dalka Zambia.
Ilo wareedyo ayaa sheegaya in halkaasi laga soo qabtay waziirka is casilay iyo ganacsade u dhashay dalka Shiinaha, kuwaas oo lagu tilmaamay inay ahaayeen kuwa lacagaha kala qaadanayay, ganacsatada Shiinaha ayaa inta badan lacago xad-dhaaf ah soo galiya dalalka dhaca qaaradda Africa, si ay ugu beddeshaan macaadin iyo arrimo kale oo siyaasadeed.
About The Author
