Maleeshiyaadka jabhadda xoraynta dadka Axmaarada ee Fano ayaa dagaallo aad u culus oo ay kula jiraan millatariga dowladda xabashida Itoobiya ka wada deegaannada dhaca waqooyiga waddankaasi, waxayna la wareegeen magaalo istaraatiiji ah oo ay gacanta ku hayeen Abiy iyo kooxdiisa.
Ilo wareedyo laga soo xigtay dhanka Axmaarada ayaa sheegay in maleeshiyaadka jabhadda hubeysan ee Fano ay la wareegeen oo qabsadeen magaalo lagu magacaabo Mendida oo ka tirsan Shewa, halkaas oo ay ka eryadeen ciidamo daacad u ah Abiy Axmedka ra’iisul wasaaraha ka ah Itoobiya.
Goobjoogeyaal ku sugan gobolka ayaa sidoo kale soo sheegay in maleeshiyaadka jabhadda Axmaarada ay maxaabiis aad u badan ay kasii daayeen saldhiga booliska ee magaaladaasi, waxaana ciidamada Faano la shaaciyay inay dileen dhowr askari oo ka mid ahaa millatariga Itoobiya ee daacadda u ah Abiy.
Saacadihii lasoo dhaafay ayay ahayd markii maleeshiyaadka Axmaaradu ay la wareegeen gacan ku haynta magaalo lagu magacaabo Adet Gojjam oo ah magaalo wax ka yar 40km u jirta caasimada gobolka Axmaarada ee BaharDar, halkaas oo ay jabhadda Fano ku dileen inka badan 40 ka tirsan ciidamada xabashida.
About The Author
