Inta la xaqiijiyay ugu yaraan 4 xubnood oo dareewallo Kenyaan ah ayaa lasoo wariyay in lagu toogtay gudaha dalka Suudaanta koonfureed, sida ay sheegtay warbaahinta gudaha ee Kenya.
Ilo wareedyada Kenyaanka ah waxay intaas ku darayaan in 64 xubnood ookale xabsiga loo taxaabay kadib markii ay muujinayaan sida ay uga soo horjeedaan, dilka lagula kacay saaxiibadooda ku baxay gacan ay ku tilmaameen kuwa ammaanka.
Ururka waxay ugu yeeraan wadayaasha gaadiidka masaafada dheer ee Kenya ayaa warbixin uu soo saaray 21, bishan January ku sheegeen inay ka xunyihiin tacaddiyo ay sheegeen in lagula kacay dareewallada Kenyaanka ah ka gadaal markii ay xireen saraakiisha ciidamada Suudaanta Koonfureed.
“Waxay ciidamada ammaanku baastoolad kaga soo dajiyeen dareewalada gaadiidkii ay wateen, waxayna u taxaabeen xabsiga, waan ka walwalsanahay sababtoo ah waan ognahay waxa halkaas ku qabsan doona, oo waxay maalintii oo dhan unugyadooda waxaa ku xiran katiinado, ” waxaa sidaas yiri Roman Wema, oo ah guddoomiyaha Ururka Darawaliinta.
Xubnaha ururkakan waxay ku andacoonayaan in afarta xubnood ee Kenyanka ah ay toogteen ciidamada amaanka ee dalka Suudaanta Koonfureed, kuwaas oo ku sugan hareeraha waddooyinka.
“Dhawaan laba ka mid ah xubnahayaga ayaa la dilay, laakiin toddobaadka kasii horreeyay, laba kale ayaa sidoo kale la dilay,” Ayuu yiri Wema.
About The Author
