Kaddib fashil isdaba joog ah oo ay la kulmayeen madaxda ugu sarreysa hayadaha ammaanka maamulka Yahuudda, waxaa soo baxaya saraakiil iyo madax sar sare oo sheegaya inay is casili doonaan, sida ay sheegtay warbaahinta maamulka Yahuudda.
Channelka 12-aad ee maamulka gumeystaha ayaa sheegay in madaxda iscasilaya oo ah kuwa gacanta ku haya nidaamka amniga gumeystaha ay si rasmi ah u qaateen mas’uuliyadda fashilka weerarkii 7-dii Oktoobar ee 2023-kii kooxaha muqaawamada Falastiin ku qaadeen deegaannada xoogga lagu dajiyay sahyuuniyiinta.
Madaxdan ka tirsan hayadaha ammaanka maamulka fadhigiisu yahay Tal’abiib waxay si cad u sheegeen in ay iska casili doonaan xilalka ay u hayaan sahyuuniyiinta, isla markaana ay guryahooda dib ugu noqon doonaan marka uu wakhtigu u saamaxo.
Dhanka kale, magaalada Gaza waxay weli marti gelinaysaa dagaallada u dhaxeeya kooxaha wax iska caabinta iyo ciidamada gumeystaha Yahuudda, xilli dhanka kale uu si xowli ah ku socdo firxadka ciidanka gumeystaha.
Kooxaha wax iska caabintu waxay sheegeen in ay dileen ugu yaraan 15 askari oo Yahuud ah, kaddib dagaallo culus oo ka dhacay galbeedka iyo bartamaha marinka, halkaas oo maalmihii u dambeeyay lagu dhiigbixinayay ciidanka gumeystaha.
About The Author
