Diyaarad millatari oo ay leeyihiin ciidanka dowladda Riddada Imaaraadka Carabta waxay gelinkii dambe ee maanta garoonka caalamiga ah ee magaalada Abuu Dubaay ee caasimadda waddankaasi ka dejisay maydadka afar sarkaal oo ka tirsanaa saraakiishii Imaaraadka looga laayay xerada General Gordon ee magaalada Muqdisho.
Maydadka saraakiishan afarta xubnood ka kooban ayaa iyagoo naxashyo lagu sida laga dejiyay qaybta millatariga ee garoonka caalamiga ah ee Abu Dabi, sida ay sheegtay warbaahinta dalkaasi, waxaana saraakiishan ay magacyadooda ku kala sheegeen Kornayl Maxmamed Bin Mubaarak Al-mansuuri, Khaliifa Al-baluushi, Maxammed Al-shamsi iyo Suleymaan Al-shaxi.
Naxashyada lagu siday maydadka saraakiishan ee laga dejiyay madaarka Abuu Dubaay, waxaa halkaas kaga hortagay saraakiisha ugu sarreysa ee wazaarada difaaca Imaaraadka Carabta iyo saraakiil kale iyo qoysaskooda, waxayna kula baroorrteen gudaha garoonka.
Waxa xusid mudan in saraakiisha iyagoo fayow oo cagahooda ku soconaya ay ka duuleen isla garoonkan, balse waxaa Allaah fadligiis ah in maanta iyagoo naxashyo lagu sido dib loogu celiyay dalkii ay kasoo duullaan tageen, tani ayaana ah farriin cad oo ku socota cid walba oo qayb ka ah duullaanka saliibiga ah ee gaaladu kusoo qaadday dalka muslimka ah ee Soomaaliya.
About The Author
