17 xubnood oo ka mida 21 qof oo khamir ay cabeen ugu dhintay gudaha waddanka Kenya ayaa maanta loogu baroor diiqay deegaan ka tirsan ismaamulka Kirinyaga, sida ay soo tabisay warbaahinta maxalliga ah ee Kenya.
Dowladda Kenya, ayaa aas wadareed xubnahan Kenyaanka ah ee ku dhintay khamriga ay ka dhargeen ugu sameysay tuulada Kangai ee ka tirsan ismaamulka Kirinyaga, waxaana halkaas lagu aasay 17 Kenyaan ah oo la sheegay inay ku nafwaayeen khamri ay si xadhaaf ah u cabeen.
Madaxweyne ku xigeenka Kenya Rigathi gachagua ayaa ka mid ahaa madaxdii Kenya baroordiiqda u tagay dugsiga hoose dhexe ee Kandongu, dhacdadan ay ku dhinteen dadka Kenyaanka ah ayaa aad hadal hayn uga dhalisay dalka Kenya.
Dhacdadaan oo ay ku nafwaayeen 21 xubnood oo Kenyaan ah, kuwa kalena ay ku indha beeleen, ayay saraakiil ciidan oo ka tirsan boolisku sheegeen in baariraanno ay sameeyeen lagu ogaaday in khamriga dadka gallaaftay lagu qariyay saldhig boolis, kaddibna laga iibiyay dadka Kenyaanka ah, taas oo keentay inay dadku si xad dhaaf ah u isticmaalaan kaddibna lagu baraarugay geeridooda.
About The Author
