Imaam masjid oo kasoo jeeda Soomaaliya ayaa lasoo wariyay in lagu dilay xaafad lagu magacaabo Belmont Walk oo ka tirsan magaalada Cardiff ee carriga Ingiriiska, sida ay soo sheegeen dad goobjoogeyaal ah iyo saraakiil ka tirsan booliska oo dhacdadan kusoo baxay.
Faahfaahinno soo baxaya waxay sheegayaan in imaamka la dilay lagu magacaabi jiray Fu’aad Xassan Yaasiin, nin ku hubeysan mindi ayaa lasoo wariyay in uu ka dambeeyay dilka imaamka, waxaana dilkiisa uu dhacay markii uu kasoo baxay masjidkii uu imaamka ka ahaa.
Ilo wareedyo ku sugan magaalada Cardiff, waxay sheegeen in imaamku ahaa nin samafale ah oo naxariis badan oo si wayn looga yaqiinnay magaalada iyo nawaaxigeeda, gaar ahaan Butetown oo hoostaga magaalada Cardiff, dilka ayaa lasoo sheegay in uu dhacay 9:00-kii subaxnimo ee Axaddii lasoo dhaafay.
Dadka Soomaalida ah ee ku dhaqan magaalada Cardiff , ayaa si wayn kaga naxay dilka loo gaystay imaamkaan kasoo jeeda Soomaaliya, dilkan ayaana qayb ka ah dilalka dadka Soomaaliyeed loogu gaysto gudaha waddanka Ingiriiska.
About The Author
