Inta la xaqiijiyay ugu yaraan 5 qof oo shacab ah ayaa lagu dilay halka tiro kale oo intaas ka badana ay dhaawacmeen, kaddib markii maleeshiyaad hubeysan oo ka tirsan maamulka ashahaada la dirirka ah ee Itoobiya uga dhisan dhulka Soomaali-galbeed ay toogteen dad rayid ah oo ka arrinsanayay xallinta khilaaf ka dhex jiray.
Dhacdadaan lagu dilay dadka rayidka ah, ayaa si gaar ah uga dhacday tuulo lagu magacaabo Waydkaal oo hoostagta degmada Baarey ee gobolka Afdheer, waxaana rassaasta la wariyay inay fureen ciidamo ka tirsan maamulka Riddada ah ee Soomaali galbeed, dhaawacyada waxaa lagu sheegay 9 xubnood sida dadka deegaanku soo wariyeen.
Toogashada lagu dilay dadka rayidka ah ee isugu jira haweenka iyo ragga ayaa timid, xilli dadka deegaankaas ku nool ay ka arrinsanaayeen xal u helidda muran ka dhashay diyo ay kala qaadanayeen laba beelood, kaddib markii uu shil baabuur ku dhintay qof kasoo jeeda mid ka mid ah beelaha megta ka arrinsanayay, balse maleeshiyaad murtadiin ah oo ku sugnaa meel aan ka fogayn hoolka lagu shirayay ayaa soo farageliyay arrintasi, waxayna rassaas oodda uga qaadeen dadkii halkaas ku kulansanaa.
Waa mid ka mid ah dhacdooyinka foosha xun ee ay ku kacaan maleeshiyaadka dabaqoodhiga u ah xabashida ee ay ka dhisatay dhulka Soomaali-galbeed, mana ahan dhacdadii koowaad iyo tii labaad oo ay si bareer ah ugu toogtaan dad rayid ah oo aan hubeysnayn.
About The Author
