Degmada Labaatan Jirow ee ka tirsan wilaayada islaamiga ah ee Baay, waxaa dhowaan lagu qabtay xaflad si weyn loo agaasimay oo lagu caleema saarayay suldaan Maxammed Macalin Xuseen Maxamuud Sheekh, oo ah Suldaanka guud ee beesha Hariin ee ka mid beelaha Soomaaliyeed, kaas oo 26-kii Shacbaan ay dooratay beeshu, maalintii xigtana ay si rasmi ah u caleema saaratay.
Xafladdan waxaa isugu yimid nabaddoonno, waxgarad iyo odayaal dhaqameed ka tirsan beesha Hariin, kuwaasoo ka kala yimid deegaannada ay ka degaan gobollada Soomaaliya, si gaar ah Banaadir, Shabeellada hoose, Jubbada hoose iyo Jubbada dhexe, Gedo, Bakool iyo Baay, si ay goob joog uga noqdaan caleema saarka suldaankooda guud.
Waxana goobta ay xafladdu ka dhacaysay oo ahayd hool wakhti badan lagu bixiyay oo si wayn loo qurxiyay kalimaad badan ka jeediyay salaadiin iyo marti sharaf aad u badan, sidoo kale Intii ay socotay xafladda doorashada Suldaan Maxamed Macallin Xuseen Maxamuud Sheekh, waxaa hadyado qaali ah iyo shahaadooyin sharaf la guddoonsiinayay salaadiinta, waxgradka, nabadoonnada iyo masuuliyiinta qaybta ka ahaa xafladda.
Hoos Ka Daawo Sawirrada Munaasabadda Caleema-saarka Suldaanka Guud Ee Beesha Hariin.
About The Author
