Hayadaha sheegta inay u doodaan xuquuqda aadanaha ayaa warbixin ay soo saareen ku eedeeyay booliska dowladda Kenya. inay si sharci-darro ah u dileen sannadkii tagay ee 2023-kii, 118 xubnood, kuwaas oo la dilay dambi la’aan.
Warbixin ay si wadajir ah usoo saareen hayadahan waxay ku sheegeen in tirakoobkan uu muujinayo hoos u dhac 9% ah, marka loo eego 130 kiisas ah, kuwaas oo la diiwaan geliyay sannadkii kasii horreeyay ee 2022-kii.
Warbixinta waxaa lagu sheegay in kala bar dilalka ay dhaceen intii lagu guda jiray howlgallada booliska ee ka dhanka ah dambiyada, sida ku xusan warbixinta ay sida wadajir ah usoo saareen hay’ado ay ka mid yihiin Human Rights Watch, Amnesty International, iyo urur Kenya laga leeyahay oo lagu magacaabo (Missing Voices).
Ururada iyo hayadaha ayaa sidoo kale sheegay sheegay in 45 qof oo kale lagu dilay banaanbaxyo ay soo qaban qaabiyeen mucaaradka Kenya sanadkii hore, kuwaas oo oo ay kaga cabanayeen qiimaha maciishadda oo qaali ahaa, Bannaanbaxyada looga soo horjeedo dowladda uu madaxa ka yahay William Ruto ayaa waxaa ka dhashay rabshado iyo isku dhacyo goos goos ah, hayadaha iyo mucaaradka ayaa booliska dowladda ku eedeeyay inay dadka rayidka ah u adeegsadeen awood xad-dhaaf ah.
Warbixinta kasoo baxday hayadaha kor ku xusan iyo ururada ayaa inta badan ku eedeeya booliiska dowladda Kenya inay adeegsadaan awood xad dhaaf ah oo ay dilal sharci darro ah ku geystaan, waxayna badanaa falalkaasi ka dhacaan oo laga soo calaamadiyaa xaafadaha isku raranta ah.
About The Author
