Bayaan ku qoran lahjad adag oo ay soo saartay safaaradda Eritrea ee Maraykanka, ayaa looga soo hor jeestay warbixin looga hadlayay arimaha xuquuqul insaanka oo kasoo baxday wasaaradda arrimaha dibadda ee Maraykanka, taasi oo xukuumadda Asmara ay ku tilmaantay mid been abuur iyo marin habaabin ah.
Safaarada Eritrea ee Washington, waxay bayaankeeda ku sheegtay in warbixinnada wasaaradda arrimaha dibadda Mareykanka ay kaga been abuuranayso waddankaasi ay yihiin kuwa muddo dheerba soo socday oo aysan tan ugu horrayn.
Safaaraddu waxay warsaxaafadeedkeeda nuqul ka mid ah ku tiri, “Waxaan si cad u diidnay nuxurka guud ee warbixinta wasaaradda, sidoo kale waxaan diidnay habka, ka sheekaynta, iyo ujeeddooyinkeeda qarsoon iyo tan cadba”.
Qoraalka safaaradda xukuumada Asmara oo hal bog ka kooban ayaa ugu dambayn lagu sheegay in warbixinta looga hadlayay arrimaha xuquuqul insaanka ee ay soo saartay wasaaradda arrimaha debadda ee dalka Maraykanka ay kaliya muujinayso siyaasadda Maraykanka ee ku dhisan marin-habaabinta, iyo caddaalad-darrada ee ka dhanka ah Eritrea waa sida ay tiri safaaradda.
Maraykanka ayaa ka mid ah dowladaha ugu badan ee dambiyada dagaal ka gaysta waddamada caalamka, si gaar ah dalalka muslimiinta oo ay hadda taagan tahay tan Gaza, oo uu ku laayay inka badan 34,568 ruux oo muslimiin rayid ah, kuwaasi oo u badan caruur iyo haween.
About The Author
