Maamulka kumeel gaarka ah ee ka dhisan gobolka Tigreega ee waqooyiga Itoobiya, ayaa beeniyay in ciidamadiisu ay qayb ka yihiin colaadda ka dhex taagan ciidamada millatariga Suudaan iyo kuwa RSF ee taageerada ka helaya Imaaraadka Carabta.
Bayaan kasoo baxay maamulka TPLF ayaa lagu sheegay in usuan sal iyo raad toona lahayn eedda loo jeediyay oo ku saabsan in ciidamadiisu ay ka barbar dagaallamayaan ciidamada millatariga dowladda Suudaan ee uu hogaganka u hayo General Cabdilfatax Al-burhan.
Warsaxaafadeedka oo kasoo baxay hoggaanka TPLF, ayaa lagu sheegay in eeddaasi oo ahayd mid ay jeediyeen taliska dagaalyahannada kooxda loogu yeero RSF ee dagaalka kula jirta millatariga ay waxba kama jiraan tahay, TPLF-na uu yahay xisbi siyaasadeed.
Kooxda RSF ee uu hoggaamiyo General Maxamed Xamdan Doglo ayaa sheegtay in millatariga Sudan ee ay dagaalka kula jiraan ay yihiin kuwa ku shaqaysta murtazaqo ajaanib ah, iyagoo si gaar ah ugu eedeeyay in kumannaan ciidamo ah oo ka tirsan TPLF ay ka dhinac dagaallamayaan ciidankaasi.
Maamulka ku meel gaarka ah ee Tigreegga ayaa arintaas ku gacan seyray, isaga oo sheegay in shacabka Tigrayga iyo kuwa suudaan ay yihiin kuwa daris ah oo muddo dheer wada deganaa.
About The Author
