Wasiirka arrimaha debadda ee dowladda xabashida Itoobiya ninka lagu magacaabo, Taye Atske Selassie, ayaa booqasho ku tagay magaalada Ankara ee caasimadda dalka Turkiga, halkaas oo uu ka wado kulamo uu la yeelanayo masuuliyiinta ugu sarreysa xukuumaddaasi.
Qoraal kooban oo lagu daabacay barta wasaarada arrimaha debadda ee Turkiga ay ku leedahay aaladda X, ayaa lagu sheegay in wasiirka wasaaraddaas Hakan Fidan, uu xafiiskiisa ku qaabilay dhiggiisa Itoobiya, Taye Atske Selassie.
Labada dhinacba ma bixin faahfaahin intaas ka baxsan, balse ilo wareedyo ayaa sheegay in labada dhinac ay ka wad hadleen sidii loo xoojin lahaa iskaashiga ka dhaxeeya labada dowladood.
Dowladda Turkiga, waxay iskaashi ganacsi iyo mid difaac la leedahay dowladda Itoobiya, balse waxay booqashada wasiirkan Itoobiyaanka ah kusoo beegantay xilli ay labada dowladood u tartamayaan sidii ay u boobi lahaayeen khayraadka umadda Soomaaliyeed.
Itoobiya, waxay 1-dii January ee sannadkaan maamulka ashahaada la dirirka ah ee Somaliland ka saxiixatay heshiis awood u siinaya inay qaadato 20 KM oo ka mid a xeebaha Soomaaliya ee mara deegaannada uu maamulkaasi ka arrimiyo, halka kooxda Riddada Soomaaliyana ay 8-dii February Turkiga u saxiixday in uu la wareego maamulka badda Soomaaliya, waxaana kasii dambeeyay heshiiskii kale oo xukuumadda fadhigeedu yahay Muqdisho Ankara ku siisay khayraadka shidaalka ee ka buuxa Soomaaliya.
About The Author
