Ciidamada gumetstaha Yahuudda, ayaa qirtay askar sahyuuniyiin ah oo looga dilay qaybo ka mid ah marinka Gaza iyo deegaannada daanta galbeed ee Falastiin, labadaas aag oo si daran loogu dhiigbixinayo ciidankan.
Taliska ciidanka ee gumeystaha ayaa maanta ku dhawaaqay in laga khaarajiyay ilaa 3 askari, kuwaas oo laba ka mid ah lagu dilay deegaannada Daanta Galbeed, halka kan saddexaad na lagu dilay dagaallada culus ee Yahuudda ku qabsanaya waqooyiga Gaza.
Waxay intaas ku dareen in marka laga soo tago sarkaalka ay maanta qirteen in looga dilay marinka Gaza, sidoo kale dagaallada ka socda waqooyiga Gaza looga dhaawacay ilaa 3 kale oo askar ah, Sarkaalka Gaza looga dilay ayay magaciisa ku sheegeen Yedidya Cazouwji, oo da’diisu tahay 21 sano jir, wuxuuna ka tirsanaa qaybta 101-aad ee ciidanka Yahuudda.
Labada askari ee kale ayuu ciidanka Yahuuddu sheegay in looga dilay weerar culus oo ay kala kulmeen meel u dhow magaalada Naabulis ee dhacda Daanta Galbeed, laba kale oo sahyuuniyiin ah ayuu taliska ciidanka Yahuuddu sheegay inay si xun ugu dhaawacmeen weerarkaasi ka dhacay duleedka Naabulis.
About The Author
