Khasaare isugu jira dhimasho iyo dhaawac ayaa la gaarsiiyay maleeshiyaadka murtazaqada Imaaraadka carabta ee ku sugan koonfurta dalka Yeman, kaddib markii ay dirir xooggan kala kulmeen dhanka maleeshiyaadka shiicada ah ee Xuuthiyiinta ee iyagana fadhigoodu yahay dalkaasi Yeman.
Inta la hubiyay ilaa 5 askari ayaa lagu dilay halka kuwa kalena laga dhaawacay ciidanka Xizaamul amni ee loo yaqaan golaha kumeel gaarka ah ee Koonfurta Yeman, kaddi iska hor’imaad ay la galeen maleeshiyada Xuuthiyiinta oo ka dhacay qaybo ka mid ah gobolka Lahj ee dhaca koonfurta Yemen.
Afhayeenka maleeshiyada uu Imaaraadku dacmiyo ayaa sheegay inay la kulmeen weerar culus oo ay soo qaadeen maleeshiyada kale ee Xuuthiyiinta Yeman, kaasi oo qaatay muddo saddex saac oo xiriir ah, iska hor’imaadka hubeysan ayaa ka dhacay fariisin ciidamadiisu leeyihiin oo kuyaal deegaanka Karsh, oo dhaca dhanka waqooyi ee gobolka Laxj.
Isagoo sii hadlayay ayuu sarkaalkan u hadlay murtazaqada Imaaraadka carabta ee Koonfurta waddanka Yema sheegay in weerarka uu ku eedeeyay maleeshiyaadka Xuuthiyiinta ay ku waayeen ilaa shan askari, halka tiro kalena ay ku dhaawacmeen, isaga oo dhanka kale tilmaamay in Xuuthiyiinta ay dhankooda gaareen khasaare nafeed, inkastoo usuan xaddidin.
Xuuthiyiintu, weli wax war ah kasoo saarin weerarka lagu eedeeyay ee ay askarta kaga dileen murtazaqada uu Imaaraadku ku adeegto ee ku sugan koonfurta dalka Yeman.
About The Author
