Ciidamada maamulka gumeystaha Yahuudda, ayaa maanta markale ku kacay xasuuq wuxuushnimo ah oo ka dhan ah dadka reer Gaza oo tan iyo sagaalkii bilood ee lasoo dhaafay dhibanne u ah duqaymaha gumeystaha.
Ilaa 5 gantaal ayay ciidamada Yahuuddu ku dhufteen xero loo barakacay oo kuyaal Khan Yuunis iyo goob lagu tukado oo kutaal xerada Al-shadhi’i, taasoo keentay shuhadada iyo dhaawaca boqolaal Falastiiniyiin ah.
Waaxda caafimaadka ee marinka Gaza, waxay sheegtay in xasuuqaasi cusub ee ciidamada gumeystuhu ku kaceen ay ku shahiideen 71 qof oo Falastiiniyiin ah, halka ay dhaawacyo kala duwan soo gaareen 289 qof oo rayid ah.
Xafiiska warfaafinta Gaza, ayaa dhankiisa sheegay in kooxaha gurmadka deg degga ah ay ku guuleysteen inay soo saaraan shuhadada tobannaan qof oo Falastiiniyiin ah, duqaynta ayay sheegeen inay dhacday xilli aysan jirin meel dadka lagu dabiibo.
Wasaaradda caafimaadka ee Gaza waxay sheegtay in 24-kii saac ee la soo dhaafay ay ciidamada gumeystaha Yahuudu geysteen 4 xasuuq oo ay ku dhinteen 61 qof oo rayid ah, halka 129 kalena ay ku dhaawacmeen.
About The Author
