Taliyaha guud ee ciidamada dowladda Bangladesh General Wakar-Alzzaman, ayaa shir jaraa’id oo uu warbaahinta u qabtay duhurnimadii maanta ku shaaciyay in ay is casishay Ra’iisul wasaaraha dalka Bangladesh Xasina Wajid.
Taliyaha ciidanka Bangladesh ayaa sidoo kale shirkiisa jaraa’id ku sheegay in ciidamada dalkaasi ay soo dhisi doonaan dowlad KMG ah.
Is casilaada ra’iisul wasaaraha dowladda Riddada ee Bangladesh ayaa timid kaddib markii kacdoon wadeyaal caraysan oo kasoo horjeeda xukuumaddaasi ay xoog ku galeen xarunta rasmiga ee ay ku shaqayn jirtay haweenaydan ee kutaal magaalada caasimada u ah waddankaasi ee Daka.
“wax kasta oo dalabaad ah oo aad haysaan waan fulin doonnaa, waxaan sidoo kale soo celin doonaa nabadda waddanka. Fadlan nagu caawiya arrintan, oo ka fogaada rabshadaha.” waxaa sidaas yiri taliyaha ciidamada Bangladesh.
“Ciidanku cidna ma toogan doonaan, booliskuna cidna ma toogan doonaan, anigu amar ayaan soo saaray”. ayuu hadalkiisa sii raaciyay sarkaalkaasi.
Kacdoonka oo ah mid ay soo billaabeen ardayda dhalinyarada ah ee waddankaasi ayuu taliyaha ugu sarreeya ciidamada Bangladesh ugu baaqay inay xaaladda dejiyaan, boqollaal xubnood oo u badan dhalinyaro ayaa ku dhintay toogashooyinka ay gaysteen ciidanka Bangladesh intii isku soo baxyadu socdeen.
Tirakoobkii ugu dambeeyay oo saacado ka hor un lasoo saaray ayaa muujinaya in dibadbaxyada ka socda dalkaasi ay ku dhinteen 300 oo qof, kuwaas oo ku baxay gacanta ciidanka ammaanka. intii ay socdeen isku soo baxyada ka dhanka ah dowladda.
About The Author
