Wararka ka imaanaya Itoobiya ayaa sheegaya in madaxweyinihii hore ee ismaamulka Amhara, sidoo lalena soo noqday wasiirkii hore ee arrimaha debadda xabashida iyo la taliyihii amniga qaranka ee xafiiska ra’iisul wasaaraha Itoobiya, uu ku biiray jabhadda hubeysan ee Fano.
War cusub oo soo baxaya ayaa sheegaya, in Gedu Andargachew oo ka mid ah siyaasiyiinta saamaynta leh ee kasoo jeeda qowmiyadda Axmaarada uu si rasmi ah ugu biiray Faano, sida lagu sheegay qoraal uu ku faafiyay baraha bulshada, kaasi oo laga sii daayay warbaahinnada Itoobiya.
Ninkan ayaa qoraalkiisa ku sheegay in uu ku biiray jabhadda mucaaradka ah ee Faano, taasi oo kacdoon hubeysan oo xooggan kula jirta xukuumadda Addis-ababa.
Gedu, ayaa qoraalkiisa si adag ugu mucaaraday xukuumadda uu Ra’iisul wasaaraha ka yahay Abiy Axmed, isago dhaliilo badan usoo jeediyay, sida lagu baahiyay warbaahinta xabashida.
Warkan la isla dhexmarayo ee ku aadan ku biiritaanka jabhada Fano ee wasiirkii hore ee dibadda Itoobiya, ahna madaxwaynihii hore ee Axmaarada, ayaa muujinayo sida ay u baahday colaadda sokeeye ee ka taagan dalka Itoobiya.
Dowladda xabashida Itoobiya ayaan wali ka hadlin xogtan la baahiyay ee sheegaysa in wasiirkii hore ee arrimaha debada Itoobiya uu ku ku biiray jabhadda Fano, dhawaan ayay ahayd markii uu Gedu Andargachew uu kulan la qaatay safiirka Maraykanka u fadhiya Ethiopia.
About The Author
