Murtad Maxamed Abiib oo ka mida xubnaha golaha dawaaqiidda maamul goboleedka ashahaada la dirirka ah ee Somaliland, ayaa lasoo sheegay in maanta maleeshiyaad ka tirsan maamulkaasi ay ku xireen garoonka diyaaradaha ee magaalada Hargaysa.
Xildhibaankan ayaa lasoo wariyay in lagu xiray Garoonka xilli uu kasoo laabtay dalka Imaaraadka Carabta oo ku bixiyay waraysi aad uga caraysiiyay maamulka Muuse Biixi, Maxamed Abiib ayaa ah nin si aad ah u mucaaradsan nidaamka Biixi.
Xarigga xildhibaankan ka tirsan baarlamaanka daaquudka ah ee Soomaaliland, waxaa si adag uga hadlay xubno ka tirsan mucaaradka oo uu ka mid yahay Cabdiraxmaan Cirro oo sidoo kale ah nin u taagan xilka madaxweyne ee maamulkaasi.
Murtad C/raxmaan Cirro ayaa sheegay in murtad Muuse Biixi uusan xilka ka qaadin karin Abiib, isagoo usoo jeediyay in uu si shuruud la’aan ah kusii daayo xildhibaankan, mar uu ka hadlayay xarigga ayuuna yiri” Waxa aan si adag u cambeyranayaa xadhigga Dastuur jebinta ah ee lagula kacay Xil Maxamed Abiib Yuusuf oo ka tirsan Xildhibaannada Golaha Wakiilada Jamhuuriyadda Somaliland.
About The Author
