Ciidamada Shabaabul Mujaahidiin ee ka howlgala dhulka NFD ee ku hoos jira gumeysiga Kenya, waxay dagaal culus oo toos ah ku qaadeen xerada ciidanka Kuffaarta Kenya ee deegaanka Fiinow ee hoostaga degmada Lafeey ee gobolka Mandheera.
Dagaalka kaddib waxay ciidanka mujaahidiintu duleedka deegaanka Fiinow kamiin ugu dhigeen kolonyo ciidamo ah oo ka tirsan Kufaarta Kenya, khasaare xooggan oo dhimasho iyo dhaawac ah ayaana gaaray kuffaarta.
Goobta uu kamiinku ka dhacay waxay saliibiyiintu kaga kaga carareen maydadka sadex xubnood oo kala ah sarkaal ciidan, Dhaqtar iyo askar Kenyaan ah, waxayna mujaahidiintu qaniimeysteen laba qori, hal baastoolad iyo agabyo kale oo kuwa ciidanka ah.
Sidoo kale ciidamada mujaahidiintu dagaal culus oo toos ah ku qaadeen xerada ciidanka Kufaarta Kenya Kenya ee deegaanka 50-ka, sidaas oo kale waxay mujaahidiintu weerar ku ekeeyeen xero kutaal degmada Lafeey oo ciidamada saliibiyiinta Kenya leeyihiin.
Waxay sidoo kale mujaahidiintu dagaal culus ku qaadeen saldhigga ciidamada kuffaarta Kenya ee deegaanka Dhamase ee hoostaga degmada Lafeey, dagaalka intii uu socday waxaa gabi ahaanba gubtay teendhooyin kuffaarta uga dhisnaa gudaha xerada, waxaa halkaas ku dhaawacmay ilaa 2 askari oo saliibiyiin Kenyaan ah.
Goobaha dagaallada tooska ah ee ciidamada mujaahidiinta martigeliyay waxaa ka mid ah saldhiga ciidanka kuffaarta Kenya ee deegaanka Sheekh Barow ee hoostaga degmada Lafeey, hubka kala duwan ee la isku adeegsanayay ayaa si wayn looga maqlayay xaafadaha degmadaasi.
Dhanka Baay, faahfaahinno dheeraad ah ayaa kasoo baxaya weerar madaafiic ah oo ciidamo ka tirsan Shabaabul Mujaahidiin ay ku qaadeen Airport-ka degmada Baydhaba, waxaa halkaas ku dhaawacmay hal gaal caddaan ah oo ka mid ah shaqaalaha UN-ka.
About The Author
