Waxaa halkii ugu sarreysay gaaray khilaafka siyaasadeed ee ka dhex aloosan madaxa kooxda Riddada Soomaaliya, murtad Xassan Sheekh Maxamuud, iyo madaxa maamul goboleedka ashahaada la dirirka ah ee Jubbaland, murtad Axmed Madoobe.
Laba wasiir oo ka tirsanaa xukuumadda Riddada ee Xamze Cabdi barre ayaa shalay ku dhawaaqay inay iska casileen xilalkii ay hayeen, waxayna labaduba ka mid yihiin xildhibaannada ka yimid dhanka maamulka ashahaada la dirirka ah ee Jubbaland.
Iscilaadda labadaasi wasiir waxaa dhinac socday shir gaar ah oo Muqdisho ka dhacay, kaasoo ay yeesheen xildhibaannada dawaaqiidda ee Jubbaland laga soo doortay, kulankaasi waxaa la wariyay in la isku gacan qaaday, maadaama ay qayb ka ahaayeen xubno xilal sare ka haya kooxda Riddada, shirkaasina uu ahaa mid ka dhanka ah dowladda Ridada.
Axmed Madoobe oo ah madaxa maamul goboleedka ashahaada la dirirka ah ee Jubbaland ayaa soo saaray qoraal kooban oo ku socda xildhibaannada deegaannadiisa laga soo doorto ee ka tirsan baarlamaanka daaquudka ah ee kooxda Riddada, kuwaas oo uu ugu yeeray inay kulan wadatashi ah kaga soo qayb galaan magaalada Kismaayo.
Warqadda kasoo baxday xafiiska murtad Axmed Madoobe ayaa lagu sheegay in shirka ka dhici doono Kismaayo looga hadli doono xaaladda siyaasadeed ee kooxda Riddada Soomaaliya iyo tan Jubbaland.
Murtad Xildhibaan Caananuug oo ah mid ah golaha baarlamaanka Riddada ee kulanka wadatashiga uu ugu yeeray Axmed Madoobe, ayaa sheegay in ay soo dhaweynayaan warqadda kasoo baxday xafiiska madaxa maamulkaas.
Arrimahan oo idil ayaa kusoo beegmaya xilli xiisadda siyaasadeed ee ka dhex aloosan kooxda Riddada Somalia iyo maamulka ashahaada la dirirka ah ee Jubbaland ay gaartay halkii ugu sarreysay, wasiiradii shalay iscasilaadda ku dhawaaqay ayaa sheegay in in kooxda Riddadu meesha ka saartay doorkii ay ku lahaayeen siyaasadda murtadiinta, sidaas darteed na ay isku casileen.
About The Author
