Wararka ka imaanaya magaalada Wajeer ee dhulka Soomaaliyeed ee NFD, ayaa sheegaya in la dhaawacay sarkaal sare oo ka tirsan ciidamada difaaca saliibiyiinta Kenya ee KDF-ta loo yaqaan.
Warbaahinta maxalliga ah ee Kenya waxay soo sheegtay in sarkaalkaasi oo lagu magacaabo Lonzi Joseph uu ku dhaawacmay weerar dadweyne oo ka dhacay gudaha magaalada Wajeer, gaar ahaan aagga Plaza Park.
Ilo wareedyo ayaa soo sheegay in sarkaalka la dhaawacay ee ka tirsan KDF-ta xilliga la beegsanayay uu ku socdaalayay mooto nooca Dhugdhugleyda ah, kooxo rayid ah oo dhagxaan ku hubeysan ayaa lasoo wariyay inay dhagxaan roobka kaga dhigeen, taasi oo keentay in uu ka dhaawacmo qaybaha sare ee jirka.
Wararku waxay intaas ku darayaan in dhacdadan ay kusoo baxeen ciidamo ka tirsan booliska saliibiyiinta Kenya ee Wajeer oo roondo ku jiray, waxayna goobta ka qaadeen dhaawaca sarkaalkan Kenyaanka ah ee ka tirsan waaxda Difaaca Kenya ee Wajeer.
Dhaawaca sarkaalkaan ayaa la geeyay cisbitaalka guud ee magaalada Wajeer, waxaana loo sii gudbiyay xarunta DCI-da si baaritaanno loo sameeyo, sida ay soo sheegeen booliska Kenya.
About The Author
