Muslimiinta reer Suuriya waxay maanta oo Axad ah u ahayd mid taariikhi ah oo ka duwan maalmihii hore, waxay saaka kusoo tooseen iyaga oo xor ah oo Allaah uu ka dulqaaday heeryo gumeysi oo dul-hoganaysay muddo nus Qani ah.
Kacdoon qaatay muddo 10 maamood ah oo ay galeen reer Suuriya ayaa Allaah fadligii miradhalay, waxayna saaka kooxaha mucaaradka ah ee hormuudka u ah kacdoonka soo gaareen caasimadda, waxaa dalka isaga cararay oo ka baxsaday dhiigyacabkii madaxa kaga taagnaa sunniyiinta Bashaar Al-asad.
Waxay shacabka kacdoonka ku jiray soo furteen maxaabiis muslimiin ah oo si dulmi ah ugu xirnaa xabsiga sumcad xumada ku caan baxay ee Sednaaya ee kuyaal caasimadda Dimishqa, halkaas oo laga soo saaray dad dhibanneyaal ah, kuwaas oo ay ka mid yihiin dad ku xukunaa dil toogasho ah.
Debaal-degyo iyo farxad ayaa camimay saaxada Umawiyiinta ee maaalada Dimishqa, halkaas oo ay isugu soo baxeen kumannaan muslimiin ah, magaalooyinka kale iyo dalalka muslimiintu leeyihiin ayay isku soo baxyo waawayn ka dhaceen maanta.
Halkan Ka Dhagayso Warbixinta Al-andalus.
Hoos Ka Daawo Sawirrada.
About The Author
