Wafdi ka kooban wasiiro, xildhibaano iyo saraakiil ciidan oo ka socda kooxda Riddada Somalia ayaa maanta ka degay magaalada Garbahaarey ee xarunta gobolka Gedo, halkaas oo uu ka socdo abaabul kale oo ka dhan ah murtad Axmed Madoobe.
Wafdiga ka socda kooxda Riddada ee fadhigeedu yahay magaalada Muqdisho waxaa hoggaaminayay wasiirka wasaaradda amniga ee xukuumadda Ridada, murtad C/llaahi Fartaag, shir jaraa’id oo uu ku qabtay xarunta gobolka Gedo ayuu ku sheegay inay halkaasi tageen isaga iyo wafdiga uu hoggaaminayo.
Socdaalka xubnahan laga diray Muqdisho ee Garbahaarey tagay ayaa kusoo beegmaya xilli dhowaan kooxda Riddada Soomaaliya lagu soo jabiyay dagaal ay ka gashay jubbada hoose, ciidankii ay halkaasi gaysanay ay badi noqdeen kuwa maxaabiis ah oo u gacan galay Axmed madoobe iyo Kenya.
Sidoo kale socdaalka wafdiga ayaa yimid maalmo uun kaddib markii hadal uu jeediyay guddoomiyaha gobolkaasi Gedo ugu magacaaban kooxda Ridada ah, murtad Cabdullaahi Shimbir uu eedaymo ugu jeediyay madaxda murtadiinta, wuxuu kolkaas muujiyay in meel cidla ah looga dhaqaaqay oo uu fashil ku dhowyahay qorshe siyaasadeedka.
Xiisadda ka taagan gobolka Gedo ayaa sii xoogeysanayay maalmihii dambe, maalin ka hor waxaa hadlay guddoomiyaha maamulka ashahaada la dirirka ee Jubbaland ugu magacaaban degmada Beled-xaawo, murrad Casbdicasiis Xareed, isaga oo soo dhaweynayay mid ka mid ah xildhibaannada Riddada ee Axmed madoobe taageersan ayuu sheegay in maamulkii degmadaasi ay kala wareegeen saraakiil ciidan oo ka tirsan kooxda Riddada.
About The Author
