Xilli ay sii kordhayaan weerarada mujaahidiinta ee ka socda gudaha dhulalka muslimiinta soomaalida NFD ayay dowladda Kenya walaac ballaaran ka muujinaysaa weeraradaas laayaanka ah ee ciidamadeed lagu dhiig bixinayo.
Dowlada Saliibiga Kenya ayaa qiratay in Khasaaro lixaad leh uu askarteeda kasoo gaaray weerar saacadihii lasoo dhaafay ka dhacay dhulka NFD, Saraakiisha Booliska Kenya waxay si hordhac ah uxaqiijiyeen in Sideed askari oo booliis ah ay waxyeello culus kasoo gaartay qarax ay mujaahidiintu ku beegsadeen gawaari nooca qafilan ah oo marayay degaanka khorof xaraar ee Gobolka Wajeer. Sida ay soo tebisay warbaahinta maxalliga ah ee Kenya.
Sida lagu qoray qaar ka mid ah wargeysyada Kenya, Qarax ay ku sheegen miino dhulka lagu aasay ayaa haleeshay koox poliis ah oo ka koobnayd cutubyo ka tirsan waxa ay ugu yeeraan Kooxda Hawlgalada Gaarka ah (Special Operations Group) iyo Cutubka Ilaalada Xuduudaha. Qaraxaas oo burburiyay gaari gaashaaman ah oo ay saarnaayeen ciidanka la qarxiyay.
Sawirro lagu faafiyay baraha bulshada ayaa muujinayay gaadiidka ay qaraxyado haleeleen oo isbarkan islamarkaana uu burbur xooggan gaaray, mid kamida sawirrada ayaa laga dheehan karay gaariga oo kala firiray sababa laxiriira awoodda qaraxa oo kala daadisay hab dhismeedka gaariga gaashaaman.
Gaadiidkan ay qaraxyada mujaahidiintu burburiyeen ayaa loo malaynayaa in dowladda Kenya ay kasoo iibsatay dalalka Shiinaha iyo Turkiga kuwaas oo horay wasaaradda difaaca Kenya ula galay qandaraasyo gaadiid gaashaaman looga iibinayo si ay ugu adeegsato dagaalka ka dhanka ah Mujaahidiinta.
Warbaahinta maxalliga ah ee Kenya sida joornaalada The Nation iyo The Standard oo inta badan qariya khasaaraha ka dhasha weerarada mujahidiintu ay ka fuliyaan gudaha kenya ayaa soo weriyey in weerarkani uu qayb ka yahay weerarro sii kordhaya oo lagu bartilmaameedsanayo ciidanka salibiiyinta kenya ee ku sugan xuduudda benaadka dhulka soomalidu degto ee NFD iyo jubooyinka.
Weerarkan ka dhacay degmada Qorof-xaraar ee gobolka wajeer ayay mujahidiintu waxay ku dileen 9 askari oo ciidinka salibiyiinta kenya ah kuna dhaawaceen 13 askari. mujahidinta ayaa sidoo kale weerarkaas ku gubay labo Gaari oo kala ah Taw iyo Kooyal.
About The Author
