Shacabka dowladda saliibiyadda Mareykanka ayaa markale wajahaya ciqaabta adduunyada inta aan lagaarin midda aakhiro, malaayiin qof ayaa isaga cararay guryahooda halka kuwa kale ay halaagsameen kadib dabeyllo dab ah oo ku dhuftay mid kamida gobollada wadankaasi.
Khasaare kala duwan ayaa ka dhashay Dab xooggan oo ku socda xawaare sare oo habeennimadii Arbacada ka kacay agagaarka Los Angeles oo ah magaallada labaad ee ugu weyn dalka Maraykanka, isla markaana ugu dadka badan gobolka California.
Ugu yaraan 5 qof ayaa ku dhintay dabkaasi, waxaana laga cabsi qabaa dhimasho kale oo hor leh, sida uu war-fidiyeenka u xaqiijiyey Rober Luna oo ah Taliyaha booliska Los Angeles. Waxaana ku basbeelay 2,000 oo dhisme, halka in ka badan Boqol Kun oo qof lagu qasbay inay ka qaxaan guryahooda.
Sidoo kale isla fiidnimadii Arbacada, dab cusub oo hor leh ayaa ka kacay Hollywood Hills, taas oo dhalisay in lasoo saaro amar dadweynaha lagu faraayo inay gabi ahaanba banneeyaan oo ay ka qaxaan magaallada.
Sida ay wararku tibaaxayaan agagaarka Altadena ee waqooyiga magaallada ayuu dabku ka holcayaa dhul cabbirkiisu gaarayo 4,300 oo Hiktar. Sidoo kale Dab ka kacay Pacific Palisades ayaa gubay ilaa 6,500 Hiktar, waxaana ku shuf-beellay guryo fara badan iyo goobo ganacsi.
In ka badan 300,000 oo qoys ayaa koronto la’aan ku noqotay gobolka, sida uu sheegay website-ka outage.us. Waxaanay saraakiisha dab-damiska maxalliga ah ay qireen in aanay awoodin xakamaynta dabkan oo ah mid xawli ku socda.
“Waxaan sameyneynaa sida ugu fiican ee aan awoodno, laakiin maya, ma haysanno shaqaale dab-demis oo ku filan degmada Los Angeles…” ayuu yiri Anthony Marrone oo ah madaxa dab-demiska ee Los Angeles.
Musiibadan ku habsatay dadka American-ka ah ayaa timid saacado yar kadib markii uu Donald Trump ku hanjabay in marka uu talada lawareego gubi doono shacabka magaalada Qaza haddii ay kooxaha muqaawamadu sii dayn waayaan maxaabiista Yahuudda.
Dabayllo ku socdey sida la sheegay 112 KM saacaddiiba ayaa qayb weyn ka ah is-fidinta dabkan, iyadoo John Biden oo ku dhawaaqay xaalad deg-deg ah uu muujiyay walaaca waqti dheer oo uu qaadan karo la-tacaalidda dabkan.
Dabkan ayaa kusoo aadaya xilli khasaare baaxad leh uu ka dhashay duufaan wadata dabayllo xooggan, baraf iyo roob dhibicdiisu aad u qabawdahay oo horraantii usbuucan ku dhufatay guud ahaan dalka Maraykanka iyo weliba qaybo ka mida qaaradda Yurub.
About The Author
