Guddiga gurmadka degdegga ah iyo waaxda dab damiska Mareykanka ayaa sheegaya in ay culeysyo xooggan kala kulmayaan latacaalidda dabka baabi’iyay magaalada Los Angeles.
Wararka ka imaanaya dalka Mareykanka ayaa sheegaya in dabku uu weli kusii fidayo xaafadaha warshadaha leh ee los angeles iyo goobaha loo dalxiiska tago ee ay deganyihiin dadka ladan.
Khasaaraha dhimasho ee ka dhashay dabka ayaa gaaray 16 ruux halka boqolaal kale iyagoo dhaawacyo ah loola cararay isbitaallada, sawirro uu duubay dayax gacmeedka ayaa muujinayay burburka uu dabku u geystay magaalada los angeles oo kamid ah magaalooyinka ugu waaweyn dalka Mareykanka.
Sawirrada uu dayax gacmeedku qaaday ayaa muuqaal guud ka bixinayay xaddiga gubashada iyo sida ay magaaladu isugu bedeshay lama degaan kharraab ah.
Dayax gacmeedka ayaa soo muujiyay kooxaha dab damiska oo isku dayaya in ay dabka bakhtiijiyaan iyagoo adeegsanaya diyaaradaha qumaatiga u kaca iyo booyadaha biya tuura balse aan ku guuleysan daminta dabka.
Warbaahinta Mareykanka ayaa soo tebisay in damkan burburka badan dhaliyay uu yahay midkii ugu xumaa ee abid soo mara dalka Mareykanka marka loo eego dhibaatada uu geystay in khasaaraha maaliyadeed ee ka dhashay.
Wakaaladda wararka Reuters ayaa barta ay ku leedahay Youtube-ka ku faafisay muuqaal muujinayay xaaladda dhabta ah ee ka jirta Los angeles, waxaa la arkayay xarumuhii fuxshiga iyo Tumashada oo isku bedelay kuwa baaba’ay.
About The Author
