Shir jaraa’id oo ay Muqdisho ku qabteen Urur ay ku mideeysan yihiin shirkadaha diyaaradaha ee dalka ka howlgala ayaa lagu soo bandhigay cabasho ay kasoo saareen shirkadahaasi shirkada lagu magacaabo Favori oo ah shirkad shiyeeye oo laga leeyahay dalka Turkiga taasoo maamusha garoonka Muqdisho.
Cabashada shirkadaha diyaaradaha Soomalida ayaa ku saabsan in lacago dheeraad ah oo xad-dhaaf ah ay shirkada Favori kusoo rogtay duulimaadyada ay sameeyaan shirkadaha diyaaradaha Soomaliya ee dalka ka howlgala.
Waxay ku eedeeyeen in Favori ay ka baxday heshiisyo ay horay ula galeen, iyo adeeg xumo aad u liidata oo ay kala kulmeen shirkadan, iyagoo sidoo kale xusay in qalabka shirkadda Favori isticmaasho ay noqdeen kuwa aan wax tar lahayn oo qadiimi ah.
Shirkadaha Turkiga ee gacanta ku haya Garoonka iyo dekadda Muqdisho ayaa tacaddiyo kula kaca shaqaalaha Soomaalida iyo ganacsatada Soomaaliyeed, iyagoona sannad walba kordhiya lacagaha ay ka qaadaan shirkadaha Soomaalida.
About The Author
