Shir jaraa’id oo ay ku qabteen magaalada Muqdisho xubnaha siyaasiyiinta Riddada kala ah Shariif murtad, Cabdiraxmaan Cabdishakuur, iyo Cabdi Ismaaciil Samatar ayay eedeeymo ugu jeediyeen Xasan Gurguurte madaxa kooxda ridada Soomaaliya.
Shariif murtad oo shirkaasi jaraa’id ka hadlay ayaa sheegay in wax lala yaabo ay tahay in Gurguurte uu u duullo Itoobiya, kaddibna heshiis uu lasoo galo Abiy Axmed, xilli uu sheegi jiray inay Itoobiya tahay cadowga koowaad ee Soomaaliya, iyadoo aysan waxba is badalin.
Murtad Cabdiraxmaan Cabdishakuur oo isaguna ka hadlay shirkaasi jaraa’id ayaa sheegay in halkii ugu sarreysay uu marayo boobka dhulalka ee uu wado Xasan Sheekh, wuxuu qoddobeeyay dhulalka la boobay ee ku yaalla magaalada Muqdisho kuwaasi oo laga barakaciyey dad shacab ah oo daganaa dhulalkaasi.
Sidoo kale, Cabdiraxmaan Cabdishakuur ayaa ku tilmaamay Xasan Gurguurte nin aanan lahayn wax tabar ah, balse uu iska dhigo nin dalka awood ciidan ku qabsan kara.
Sidoo kale, waxaa halkaasi isaguna ka hadlay murtad Cabdi Ismaaciil Samatar oo ka mid ah Senatarada aqalka sare ee Riddada, wuxuuna sheegay inaysan wax farqi ah u dhaxeeynin heshiiskii uu Muuse Biixi sanndkii hore la galay Abiy Axmed, iyo midka hadda uu soo saxiixay Xasan Gurguurte oo labaduba ay yihiin kuwa badda Soomaaliya loogu gacan galiyey dowladda Itoobiya.
About The Author
