Maamulka gumeystaha Yahuudda ayaa dib u billaabay xasuuqa ka dhanka ah dadka rayidka Falastiiniyiinta, markii ay burburiyeen heshiiskii xabad joojinta ee laga gaaray dagaalka marinka Gaza, waxayna saaka qaadeen duqaymihii ugu ballaarnaa oo ay ku beegsadeen dadka shacabka ah.
Diyaaradaha dagaalka Yahuuddu waxay duqaymo culus ka gaysteen teendhooyin ay degganyihiin dad rayid ah oo ka mid ah reer Gaza, waxaana tirakoob la sameeyay lagu xaqiiiyay in shuhadada duqaymahaasi safka ballaaran ay kor u dhaafayso 413 xubnood oo Falastiiniyiin ah.
Agaasimaha Guud ee isbaallada kuyaal marinka Gaza, Maxamed Zaquut, ayaa goor sii horreysay sheegay in tirakoob ay sameeyeen ay ku heleen shuhadada 33o xubnood oo Falastiiniyiin ah kuwaas oo u badan caruur iyo haween, halka boqolaal kalena ay ku dhaawacmeen, oo ay ka mid yihiin tobannaan xubnood oo xaaladdoodu aad u daran tahay.
Isaga oo sii hadlayay ayuu tilmaamay in ay jiraan dad badan oo weli maqan oo raq iyo ruux lagu la’yahay, kuwaas oo la rumeysan yahay in ay ku hoos jiraan burburka dhismeyaasha la duqeeyay, kaddib duqaymaha wuxuushnimo ee ay Yahuuddu ku beegsatay dadka abriyada ah.
Duqaymahan ayaa si cad u buriyay heshiiskii xabad-joojinta ee u dhaxeeyay kooxaha wax iska caabinta Falastiin iyo maamulka gumeystaha Yahuuddaa, waxaana go’aanka lagu duqeynayo dadka reer Gaza isla qaatay maamullada xag-jirka ah ee Netanyahu iyo Ben-yamin Netanyahu.
About The Author
