Xilli ay maleeshiyaadka murtadiinta guuldarrooyin waaweyn kala kulmayaan furimaha dagaalka ayna dagaalyahannada Shabaabul Mujaahidiin furteen dhulballaaran ayay xukuumadda Riddada ee Xamza Cabdi Barre markale isku dhaandheyn ku sameysay qaar kamid ah golaha wasiirrada.
Markii 2aad ayaa wasaaradda Gaashaandhigga wasiir cusub loo magacaabay muddo ku siman 40 maalmood gudahood arrinkaas oo ka dhigan in Xasan Sheekh uu wajahayo gebi dhaclayn dhan walba ah.
Xamza Cabdi Barre ayaa wasiirka cusub ee wasaaradda Gaashaandhigga umagacaabay Axmed Macallin Fiqi oo horay uhayay jagada wasiirka arrimaha dibadda waxaana xilka qaadis lagu sameeyay Jibriil Cabdirashiid oo xilkan hayay muddo 40 maalmood ah.
Sidoo kale Xamza Cabdi Barre ayaa wasiirka cusub ee arrimaha dibadda ka dhigay nin lagu magacaabo Cabdisalaam Cali Dhaay, Axmed Macallin Fiqi ayaa horay ugusoo fashilmay xilal dhanka amniga ah kuwaas oo dhammaantood laga qaaday kadib markii ay sare ukaceen weerarada mujaahidiinta.
Ninkan dabadhilifka ah ee laga dhigay wasiirka Gaashaandhigga ayaa horay usoo noqday wasiirka amniga gudaha ee maamulka Riddada ee isku magacaabay Galmudug bilihii uu xilkaas hayana waxaa deegaanno katirsan Mudug iyo Galguduud ka dhacay weeraro cagmarin ah oo mujaahidiintu ay ku laayeen boqolaal askari.
Sidoo kale wuxuu horay usoo noqday taliyaha Nabad sugidda kooxda Riddada balse xilkaas ayaa laga xayuubiyay markii ay mujaahidiintu weeraro dhiig badan ku daatay ka fuliyeen Muqdisho iyo magaalooyinka ku dhow.
Falanqeeyaasha ayaa aaminsan in isbed-bedelladan tirabeelka ah ee uu Xasan Gurguurte ku dhaqaaqayo aysan wax kusoo kordhin doonin taakdarrida maleeshiyada Riddada kuwaas oo laba bilood gudahood laga qabsaday degmooyin iyo deegaanno ka dhaca labada Shabeelle iyo Hiiraan.
About The Author
