Fadhi ay maanta yeesheen xubnaha golaha dawaaqiidda kooxda Riddada Soomaaliya, ayaa kusoo dhamaaday buuq iyo gacan ka hadal dhexmaray qaar ka mid ah xubnaha golahaasi.
Kulanka baarlamaanka Riddada ayaa ku furmay buuq iyo sawaxan, muuqaallo laga soo duubay xarunta dawaaqiidda Riddada ayaa muujinayay xildhibaanno mucaarad ah oo firimbi la dhex boodaya xarunta golahaasi, waxayna markii dambe xaaladdu isku beddeshay in la gacmaha la isla tago.
Waxay muuqaalladu muujinayeen xildhibaanno feer isla dhacaya, waxaana xaaladda soo fara geliyay maleeshiyo ka tirsan booliska Riddada, kuwaas oo la arkayay iyaga oo isku dayaya inay kala dhex-galaan xildhibaannada isku feeraya xarunta baarlamaanka Riddada.
Murtad Aadan Madoobe guddoomiyaha golaha dawaaqiidda oo hadlayay ayaa tilmaamay in xildhibaanno isaga kasoo horjeeda ay buuqa taagan fureen, isla markaana jajabiyeen qaar ka mid ah qalabka xaruntaasi yiillay.
Waxay tani kusoo beegmaysaa xilli dhowaan xildhibaanno 100 xubnood ah ay shaaciyeen inay xilka ka xayuubin doonaan murtad Aadan Madoobe, ugu dambayn kulankii maanta ay lahaayeen xildhibaannada Riddada ayaa kusoo dhamaaday buuq iyo gacan ka hadal.
About The Author
