Murtad Aadan Madoobe oo ah guddoomiyaha golaha dawaaqiidda Riddada ayaa maanta u ambabaxay magaaladda Al-jazaa’ir ee Caasimadda u ah dalka Al-jazaa’ir, halkaas oo la sheegay inuu kaga qeyb galayo shirka duddoomiyaasha Baarlamaanadda Carabta oo maalmaha soo socda furmi doona.
Safarkan ayaa imanaya xilli buuq xoogani uu saacadihii lasoo dhaafay ka dhacay xarunta baarlamaanka Ridada, isla markaana Aadan Madoobe oo ah guddoomiyaha golahaasi uu soo saaray qaraar uu fadhiyada baarlamaanka uu kaga maamnuucay ilaa 20 xildhibaan.
Xildhibaannada uu saaray xannibaadda ayaa ahaa dhamaantood kuwa mucaaradka ku ah madaxa kooxda Riddada Soomaaliya murtad Xassan Gurguurte.
Aadan madoobe ayaa warqadda uu soo saaray ku sheegay in aysan soo xaadiri karin fadhiyada golaha baarlamaanka, isagoo ugu gooddiyey in bannaanka loo saari doono haddii ay amarkaasi jabiyaan.
Labaatankan xildhibaan ayaa ka mid ahaa xildhibaanno golaha ka dhex abuuray buuq, gacan-qaad iyo sawaxan, ka aloosmay golaha dhexdiisa.
Taalbadaan ayeey dad badani rumaysan yihiin in uu Aadan madoobe uga gol-leeyahay in uu ku fogeeyo xildhibaanada mucaaradka ah kuwaas oo waday mooshin isaga kadhan ah, labadii toddobaad ee lasoo dhaafay waxaa baaqday fadhiyada golaha baarlamaanka Ridada kadib cabsi xoogan oo soo foodsaartay xukumada Xasan Gurguurte iyo gudoonka daaquudka ah ee golahaasi.
About The Author
